Gitutukan sa Committee on Barangay Affairs kauban ang Technical Working Group kon TWG sa hisgutanan sa Proposed Ordinance No. 16-091-2022 o ang “Ordinance establishing a uniform numbering system for houses, buildings, establishment, and all other structures within the City of Butuan, repealing for this purpose SP Ordinance No. 1734 (80), as amended by SP Ordinance 229-81 and SP Ordinance No. 540-87 and for other purposes”. Sa panagtigum sa Technical Working Group gituki ang mga butang nga pwede idugang ug tangtangon sa mga unang drafts sa nasangpit nga proposed ordinance. Ang nasangpit nga ordinansa para sa tanan residential houses, commercial buildings, establisamento ug sa tanan istruktura sa syudad. Mapa public o private, ug lakip na usab ang mga informal settlers tagaan og numero para masunod ang numbering system nga mandato. Nakalatid sa proposed ordinance nga ang tanan barangay sa syudad dunay mandato nga magpatuman sa numbering sa tanan panimalay, commercial buildings, establishments, ug tanang structures sulod sa ilang territorial jurisdiction. Ang ordinansa magmugna og proper inventory, monitoring, identification sa mga residente/panimalay aron sa paspas nga paghatag og serbisyo sa mga katawhan sa Butuan. Padayon sa pagkakaron nga nag hisgut ang technical working group sa pagpanguna ni Kapitan Gemma Tabada, Liga ng mga Barangay President ug nanguna sa Committee on Barangay Affairs. Mipaabot usab si Butuan City Mayor Ronnie Vicente Lagnada nga mapasabot sa mga katawhan ang nasangpit nga proposed ordinance ug ang tanang datos nga makolekta sa luwas sa kamot sa mga TWG.