Gipangunahan ni Butuan City Vice Mayor Lawrence Fortun ang unang Sangguniang Panlungsod Session sa tuig 2024 nga aktibong gisalmutan sa SP members kaganinang buntag. Daghan sa mga SP resolusyon ang naaprobahan ilabina sa komitiba sa appropriation ug accounts. Subay niini, usa sab sa nahilakip sa diskusyon ug hisgutanan sa session ang kalabot sa financial management sa lokal nga panggamhanan sa Butuan nga usa sa gitutukan ni Mayor Ronnie Vicente Lagnada kini pinaagi sa City Budget Department ug City Treasurers Department. Gitumbok sa striktong diskusyon ang sudlan nga special savings account o investment sa LGU Butuan sa usa ka banko ning syudad. Natapos ang session nga nagkahiusa sa mga tinguhang maaprobahan ang mga gipasang resolusyon padulong sa daghang kalambuan sa syudad ug alang sa kaayuhan sa tanan. Samtang giaprobahan usab sa tibook pwersa sa SP members nga usa na nga myembro si SK Federation President Joseph Morcilla sa pipila ka komitiba sa SP sama sa Good Government Committee, Education Committee ug uban pa.