Gipahigayon ang pinaka-unang Liga Meeting sa tuig 2023 adlawng Martes. Kini sa pagpanguna ni Liga ng mga Barangay President Butuan City Chapter Gemma Tabada nga aktibong gisalmutan sa mga kaubanang punong barangay sa tibook syudad sa Butuan. Sa panagtigum nag-una sa hisgutanan ang mga programa ug proyekto alang sa pagpalambo ug paghatag og serbisyo sa katawhan sa matag barangay nga gidumala sa tagsa-tagsang punong barangay ug suportado ni Mayor Ronnie Vicente Lagnada. Gisiguro usab ni PB Tabada nga masuportahan ug magiyahan ang mga punong barangay sa mga nag-unang problema nga gi-atubang panahon sa pagpanerbisyo sa kabarangayan aron masiguro nga mahatag ang insaktong serbisyo sa katawhan pinaagi usab sa pag-abag sa pipila ka buhatan sa city government sa Butuan ug uban pang ahensya.