Gatusan ka mga indibidwal ang nibisita sa Commission on Election-Butuan kun COMELEC Butuan sa unang adlaw sa Voter Registration, Pebrero 12. Usa lang si Melcar Estampa nga taga Barangay Baan Riverside ang niadto ug nag pa rehistro isip bag-ong botante. Nakahibalo siya pinaagi sa post sa COMELEC Butuan sa ilang facebook page ug sa walay pag duha-duha niadto dayon siya para mag pa rehistro. "Isa ni siya nga makatabang sa atong nasud, makapili ta og maayong tao nga makatabang sa atong nasud pinaagi sa atong botaran" sumala ni Melcar Estampa. Base sa rekord sa COMELEC Butuan anaa sa 140 ang nakabenepisyo sa ilang serbisyo nga gitanyag sama na sa voter registration ug transfer of voter registration. Gi-awhag sa COMELEC Butuan ang katawhan sa pagpa rehistro, transfer ug update sa wala pay deadline.