π¨π‘ππ‘π πππππͺ π¦π π£πππ£ππ‘π ππ£π¨π-ππ£π’π π¦π ππ¨ππ πππ¦π π¦π¨ππ¦πππ¬ π¦π π ππ π§π₯πππ¬πππ π¨π π π’π§π’π₯πππ ππ’π₯-πππ₯π ππ₯ππ©ππ₯π¦ π¦π ππ¨π§π¨ππ‘ πππ§π¬,πππ£ππππππ¬π’π‘
January 09 2024, Tuesday 04:09 PM
Dagsa karon nga adlaw sa City Hall Lobby ning syudad sa Butuan ang mga Tricycle ug Motorela For-Hire Drivers alang sa gipang apud-apod sa lokal nga panggamhanan sa Butuan nga Fuel Cash Subsidy sa pagpanguna sa City Transportation and Traffic Management Department.
Dakung kalipay ang gibati sa duha ka tricycle driver nga sila Reynaldo Garcia residente sa Barangay Diego Silang ug John Paradillo residente sa Barangay Obrero asa mipaabot sa pasalamat kang Mayor Ronnie Vicente Lagnada nga nanguna sa programa.
Alang sa duha ka driver ang nadawat nga 2000 pesos isip fuel cash subsidy daku ng tabang alang sa panginahanglan sa pamilya matag adlaw. Admitado sab ang duha nga ang pagdrive og tricycle ang nag-unang panginabuhian.
Gipahinumduman ang ubang driver nga nakatakdang mo-avail sa programa ugmang adlawa adlawβng Martes Enero 9 nga mokuha una og cedula sa City Treasurers Department ug magdala sa ubang rekisitos sama sa MTOP 2024, Franchise Documents, Driverβs License, OR/CR, Drivers Permit ID, bisan asa nga Valid ID number nga gikan sa SSS, PhilHealth, Pag-ibig ug TIN.
Ang paghatag sa Fuel Cash Subsidy subay sa City Ordinance No. 7044-2023 nga gipangunahan ang pagpangamahan ni Butuan City Vice Mayor Lawrence Fortun ug ni City Councilor John Gil Unay, Committee Chairperson sa Franchise and Licenses uban nila Konsehal Ehrnest John Sanchez, Gemma Tabada, Cromwell Nortega, Rey Desiata, Joseph Omar Andaya, Arturo Gado ug Cherry May Busa nga giaprobahan ni Mayor Ronnie Vicente Lagnada.