π¨π‘ππ‘π πππππͺ π¦π ππ¨π¦ππ‘ππ¦π¦ π’π‘π-π¦π§π’π£ π¦ππ’π£ ππ’π‘ ππ’π¦π¦, ππππππ¦π
January 06 2025, Monday 08:15 AM
Gisugdan na kaganina ang unang adlaw sa Business One-Stop Shop kon BOSS sa pagpanguna sa City Business Permits and Licensing Department kon CBPLD, sa may Robinsonβs Place Butuan, ning syudad.
Dagsa ang mga nanag-iya og patigayon aron na sa pag-apply ug pag-renew sa ilang business permit.
Gibida ni Konsehal John Gil Unay, Chairperson sa Committee On Franchises and Licenses ang lakang nga gibuhat sa LGU-Butuan aron mas matagaan og oras ug dili gilayon ma penalty-han ang mga nanag-iya og patigayon sa pagpa rehistro sa ilang negosyo.
Sumala ni Atty. Moshi Ariel Cahoy, Hepe sa CBPLD nga unang higayon kini sa Butuan City sa pagpatuman sa syudad nga molungtad hangtud Marso 31, ang pagpa rehistro sa negosyo nga walay penalty.
"Kutob ni sa March 31, kay ang atong Mayor, Engineer Ronnie Vicente Lagnada, gusto niya nga before mahuman ang iyang termino isip mayor sa atong siyudad, matagaan pud niya og lugway ang mga negosyante nga maka process. Mao ng gibuhatan gayud og ordinansa nga kutob March 31 ang walay penalty, dako ang renewal period sa usa ka negosyante diri sa siyudad,β pahayag ni Atty. Moshi Ariel Cahoy.
Pinaka una sa natagaan og Business Permit si Nita Simudlan, 63 anyos, nga nanag-iya og Sari-sari Store, nga taga Barangay Holy Redeemer, ning syudad.
Alang niya, nag proseso gilayon siya sa pag renew sa iyang Business Permit sa pinaka-unang adlaw sa BOSS tungod gusto niya nga mahuman na ug makuha ang iyang business permit ug wala nay huna-hunaon.
"Okay raman ang akong experience sa pagkuha sa business permit. Naguol ko gaina kay di raba ko kabalo mag online, unya unsaon man nako ni. Gitagaan ko sa personahe sa permiro nga table nga priority lane ug sila ang mi process. Okay rapud ko kay dali ra,β dugang pa ni Nanay Nita.
Abli ang BOSS sa mga mag renew ug mag kuha og business permit sa Lunes hangtud Biyernes gikan alas 8:00 sa buntag hangtud alas 8:00 sa gabie. Sa Sabado sab abli sila gikan alas 8:00 sa buntag hangtud alas 5:00 sa hapon.
Ang Business One Stop Shop molungtad hangtud sa katapusan ning bulana sa Robinsonβs Place Butuna ug Pebrero 01 hangtud Marso 30, 2025 sa City Hall lobby na ning syudad.
NEWS ARTICLES