Nagpahigayon og panagtigom ang Technical Working Group kun TWG sa Gender and Development Analysis 2020-2022 nga gipangunahan ni Committee Chair sa Committee on Family, Women and Children's Welfare nga si Konsehal Cherry May Busa ug GAD Focal Person Rosalito Libres sa SP Session Hall, Butuan City, kagahapon. Gilangkuban ang Technical Working Group sa mga heads of offices sa managlahing opisina sa Lokal nga Panggamhanan sa Butuan nga tagsa-tagsa nag hatag og suhestyon lakip nga nangutana og angayan nga lakang para makab-ot ang Gender and Development nga workplace. Kini aron mahimong example ang LGU-Butuan nga nangusog og implementa sa GAD alang sa patas ug hapsay nga katungod sa katawhan sa syudad sa Butuan. Dunay tool nga gigamit nga gitawag og Gender Responsive LGU kun GeRL Tool asa makita ang mga indicators sa nagkalain-lain nga aspeto kung unsa ka gender responsive ang lokal nga panggamhanan. Nakita nga ang Mission ug Vision sa LGU-Butuan naka score og kwatro, taas na kini kumpara sa uban nga aspeto nga dos lamang. Hangyo karon ni Konsehal Cherry May Busa nga magtinabangay tungod gikinahanglan ang kooperasyon sa matag usa aron mahimong Gender and Development Responsive ang Butuan City.