Pormal nang giturn-over sa Congressional Office ang bag-ong Multi-Purpose Building sa tulo ka ahensiya sa gobyerno sa dakbayan sa Butuan, miaging semana. Kini gilangkuban sa Civil Aviation Authority of the Philippines pinaagi nila Acting Airport Manager Atty. Jinky Zaragoza ug Acting CAAM Engr. Junelito Abrazado, Philippine Drug Enforcement Agency pinaagi ni PDEA Regional Director Levi Ortiz ug Regional Explosive Ordinance and Canine Units 13 pinaagi ni RECU 13 EOD OIC PMAJ Carlo Santos. Gipangunahan ni Congressman Jose Aquino II ang turn-over ceremony kauban si DPWH Butuan City District Engineer Jose Ceasar Radaza. Sumala ni Congressman Aquino, magpadayon kini sa pagpaningkamot nga makakuha og dugang pondo sa national aron makasiguro kini sa dugang kalambuan sa Butuan City Airport arun mahimong komportable ug hapsay ang pagbyahe sa mga sumasakay. Gi-awhag sab niiini ang mga opisyal sa nasangpit nga mga ahensya nga pasayron sa mga gikinahanglan aron makapangita kini og paagi alang sa dugang pondo. Sa pagtapos sa kalihukan gitimbaya niini ang mga ahensya nga naningkamot sa paghatag og maayong serbisyo sa katawhan sa syudad sa Butuan.