Mibisita sila 2nd Lieutenant Nicole Sarmiento, 2nd Lieutenant Jeslan Gale Ty Cubillas, ug Ensign John Kyle Benitez atol sa 16th Sanggunian Panlungsod regular session kagahapon sa SP Building Session Hall, Butuan City. Gipaabot sa 16th Sanggunian Panlungsod members ang ilang kalipay nga duna na sab laing Butuanon nga nakalampos sa Philippine Military Academy kun PMA. Nagpasalamat sila 2nd Lt. Sarmiento, 2nd Lt. Cubillas, ug Ensign Benitez sa init nga pagdawat kanila sa SP Session Hall. Plano karon sa tulo nga mobalik sa Baguio City ug mo duty na sila kung asa sila nga Branch of Service human sa ilang bakasyon sa Butuan. Ang tibouk Lokal nga Panggamhanan sa Butuan malipayon sa kalampusan nga ilang nakab-ot ug nanghinaut nga mahimung role model ang tulo sa ubang kabataan para sa malahutayong pag kab-ot sa ilang mga damgo.