Nag occular survey ang City Disaster Risk Reduction and Management Department kun CDRRMD kauban ang taga Project REACHED sa Barangay Anticala, Barangay Mandamo, ug Barangay De Oro, miaging semana. Ang pag occular gibuhat isip usa ka lakang sa himoun nga proyekto didto sa nasangpit nga mga Barangay ilawom sa Project REACHED nga nadaogan sa Lokal nga Panggamhanan sa Butuan pinaagi sa CDRRMD. Napili ang tulo ka barangay human sa assessment nga gibuhat sa Philippine Disaster Resilience Foundation kun PDRF niadtong October 2023 nga nakitaan nga lisud ang signal sa lugar ug accident prone area rason para mag lisud ang mga rescuer sa pag responde sa lugar tungod sa gap sa komunikasyon. Mo supply ang Project REACHED sa mga kinahanglanon nga ekipo nga ibutang sa tulo ka Barangay para mapasayon ang signal niini ug dali nga ma contact ang mga rescuer. Gilauman nga bulan sa Mayo masugdan ang proyekto ug ma-turn over kini sa bulan sa Hunyo o Hulyo.