Nagmalampuson ang natigayong tulo ka adlaw nga Motivating Every New Talent on the Rise Program kun MENTOR Program gisalmutan sa mga Micro, Small, Medium, Enterprises kun MSME's miaging semana sa Balanghai Hotel and Convention Center ning syudad. Ang aktibidad nag tumong sa pagpakusog sa mga gagmayng negosyante pinaagi sa mga seminar aron ma-edukar sila kung unsaon pagdumala ang ilang negosyo nga modako ug ma sustenar kini. Nahimong speaker sa aktibidad si Dr. Jenny Lyn Nalupa asa gipasabot niini ang Module 5 nga nag pokus sa supply network and value flow control, Module 6 ang entrepreneurial financial management, ug ang module 7 nag tutok sa human resource and organization management. Gawas sa diskusyon gihatagan sab og panahon ang mga partisipante sa group activity alang sa dugang nga mga ideya. Ang MENTOR Program gipangunahan sa City Economic and Business Development Department kun CEBDD.