Malampuson nga natapos ang tulo ka adlaw nga Community Based Training nga gipahigayon sa Barangay De Oro ning syudad miaging semana. Gisalmutan ang aktibidad sa mga Barangay Officials, Gender and Development Focal, Barangay Health Workers, ug Barangay Tanod gikan sa Barangay Bugsukan, Barangay Taligaman ug Barangay De Oro. Aktibo nga nipartisipar ang mga partisipante sa tulo ka adlaw nga community based training asa nag sentro sa pag buhat og Barangay Disaster Risk Reduction and Management Plan. Ang Barangay Disaster Risk Reduction and Management Plan o Barangay DRRM Plan usa ka plano asa naka identify ang risk area sa usa ka barangay, dunay identified rescuer, pundo para magamit panahon sa kalamidad, mapping sa barangay, pag train sa identified rescuer, ug uban pa para maubsan ang tiyansa sa risgo nga mahiaguman sa katawhan. Suportado sa Lokal nga Panggamhanan sa Butuan ang nasangpit nga aktibidad pinaagi sa City Disaster Risk Reduction and Management Department kun CDRRMD asa maoy nanguna niini para masiguro nga dunay kahibalo ang mga opisyal sa barangay aron masiguro nga mahatag ang tukmang serbisyo sa mga residente panahon sa kalamidad.