Malampusong natigayon ang pagpananom sa 300 ka seedlings atol sa tree planting activity didto sa Barangay Anticala ning syudad kaganinang buntag. Usa ka oryentasyon ang gipahigayon alang sa mga partisipante una pa ang tree planting activity ug nagpahigayon sab og ritwal ang Anticala Tribal Council of Elders and Leaders Association, Inc. Ang mga gitanum kaganina giilangkuban sa Lauan, Rambutan, Lanzones, ug Durian. Mi-apil sa tree planting ang BJMP, PNP, DENR-EMB, TASC, DENR Nasipit, PENRO, DENR Region, BALTRANSCO, Anticala Tribal Council of Elders and Leaders Association, Inc., mga pares nga nag proseso sa ilang marriage certificate ug uban pa. Ang tree planting activity kabahin sa mga aktibidad sa Watershed Consciousness Week nga gisugdan niadtong Lunes, Enero 15 ug gipangunahan sa City Environment and Natural Resources Department.