Nagamit na karon ang Traffic Lights duol sa Gaisano mall ning syudad human gipahigayon ang pormal nga switching kaganinang buntag. Kini sa paningkamot sa City Transportation and Traffic Management Department sa pagtugot ni Mayor Ronnie Vicente Lagnada. Kahinumduman nagsugod ang pagkawala sa traffic lights sa dapit gumikan sa nahitabong aksidente asa usa sa traffic pole ang nadasmagan ug natumba rason nga dako-dako ang damyos tungod naapektuhan ang traffic light controller niini. Gi-abisuhan ang tanang motorista ug katawhan nga mosunod sa traffic rules aron malikayan ang aksidente.