Naimbitahan ang TOP 10 sa Licensure Examination for Teachers nga si Henry Joshua Sagmon sa natigayong regular session sa 16th Sangguniang Panlungsod kagahapong adlawa. Gipaabot sa mga konsehales ang ilang kalipay sa nakab-ot ni Sagmon nga nakakuha sa rating nga 91.00%. Plano karon ni Sagmon nga magtudlo sa Philippine Science High School - Caraga Region Campus nga nahimutang sa Barangay Ampayon ning syudad. Si Sagmon ni-gradwar sa Caraga State University kun CSU sa kurso nga Bachelor of Secondary Education Major in Science isip Summa Cum Laude. Gitimbaya sab sa mga SP Members ang duha pa nga mga Topnotchers nga sila Bless Marie Gomera,top 8 ug Roxanne Joyce Salinas, Top 10 nga pareho gikan sa probinsya sa Agusan Del Sur ug mga nigradwar sab sa Caraga State University. Gilauman nga makadawat si Sagmon sa medal of academic excellence ug cash incentives nga 10,000 pesos gikan sa Lokal nga Panggamhanan sa Butuan isip pasidungog sa nakab-ot nga kalampusan.