Midaug ang Timber City Academy sa gipahigayong pinakaunang Library and Information Services Quiz Bowl nga gipahigayon sa City Library, Nobyembre 7. Second Place ang Agusan National High School, samtang third place ang Saint Joseph Institute of Technology ug Father Saturnino Urios University. Nakadawat ang mga mananaog og cash prize. Ang Quiz Bowl mao ang pinakaunang aktibidad nga gibuhat sa City Education Development Department kun CEDD sa kasaulugan sa National Library and Information Services Month. Dunay tulo ka kategorya ang nasangpit nga quiz bowl nga gilangkuban sa Easy, Moderate, ug Difficult. Kada kategorya dunay napulo ka pangutana nga nag tutok sa Butuan: History sa Buuan, Prime Movers of Butuan, and Butuanon Words. Gibuhat ang Library and Information Services Quiz Bowl sa tumong nga maugmad ang kahibalo sa mga kabataang Butuanon mahitungod sa kasaysayang ug kultura sa Butuan.