Gipangunahan ni Butuan City Councilor Cromwell Nortega isip temporaryong Presiding Officer ang ikaduhang Sangguniang Panlungsod session sa kasamtangang tuig 2024 sa SP session hall. Nanguna sa diskusyon ang komitiba sa appropriation ug accounts, komitiba sa good government, ethics, human rights, laws, rules ug styles, komitiba sa trade, industry ug economic development, komitiba sa science and technology ug ang komitiba sa franchise and licenses. Atol sa session giaprobahan sab sa third ug final reading ang pipila sa gidusong ordinansa kalabot sa mga aplikasyon sa franchise ug licenses. Gipaningkamutan sa SP members nga moagi sa striktong diskusyon ang tanang gipasa nga resolusyon ug ordinansa sa mga kaubang myembro sa SP ayha kini maaprobahan.