Giaprobahan sa mga miyembro sa Sangguniang Panlungsod ning syudad ang gidusong ordinansa sa miaging session nga SP Ordinance no. 16-031-2023 o temporaryong pagpatuman sa pagsirado sa pipila ka mga kadalanan sa syudad sa Butuan alang sa tanang klase sa behikulo alang sa ipahigayong 1st Bicycle Fun Ride ug Mountain Bike Competition karong adlawng Dominggo, Pebrero dose. Gi-organisa sa Agusan Del Norte Electirc Cooperative kun ANECO ang kumpetisyon nga magsugod sa alas singko sa sayong kabuntagon hangtud alas siete y medya sa buntag (5:00AM-7:30AM). Kini magsugod sa may J.C Aquino Avenue, Emenville Barangay Ambago, Salvador Calo Street ug J. Rosales Avenue gikan starting point ug endpoint, sa parehong atubangan sa Robinsons Place Butuan. Subay niini natahasan usab ang mga personahe sa LTTMO sa pagdumala sa trapiko aron hapsay mapahigayon ang maong kalihokan.