Gipatuman ang temporaryong pagsirado sa tanang klase sa behikulo sa Zacor main road Barangay Tandang Sora ning syudad sa Butuan. Kini gumikan sa gipatumang konstruksyon sa pagsemento sa dalan nga dunay kanal asa nahimutang sa Purok 5 sa nasangpit nga barangay nga mulungtad hangtud Hunyo 25 ning tuig. Ang temporaryong pagsirado sa dalan pinasubay sa SP Ordinance No. 16-090-2023 nga gipangamahanan ni City Councilor Vincent Rizal Rosario, Committee Chairman sa Transportation ug Traffic Management uban nila Konsehal Ehrnest John Sanchez, Konsehal Art Gado, Konsehal Eduardo Gonzalez ug Konsehal Victor Plaza. Ang proyekto gipatuman sa Department of Public Works and Highways-Butuan City District Engineering Office nga gipunduhan sa nasyunal pinaagi sa paningkamot ni Congressman Jose Aquino II.