Sunod-sunod ang pagpahigayon og refresher trainings sa mga AgriBoost Farmers sa dakbayan sa Butuan kalabot sa digital capacity tungod buot sa City Agriculture and Veterinary Department nga batunan na sa mga mag-uuma ang technology sa farming operations gamit ang AgriBloom mobile Application aron mas sayun ug dali na ang pagdawat og orders gikan sa AgriHub Facility. Ang AgriBoost Project usa ka demand driven nga proyekto aron dili mausik ang supply sa gulay. Kini nagpasabot nga kung unsay demand sa merkado mao usab ang itanum ug ideliver sa mga mag-uuma. Miabot na sa 70 ka mag-uuma ang misalmot sa pagbansay ug paningkamutan sa AgriHub Component Team nga ma-adopt na sa mga mag-uuma ang digitalization aron mas mu-uswag ang produksyon.