Gihisgutan atol sa 1st City Disaster Risk Reduction and Management Council Thematic Committee Meeting on Disaster Preparedness and Disaster Response ang pagmugna og Technical Working Group kun TWG para sa pagbuhat og 911 Integrated Response Group sa syudad sa Butuan. Mag silbi ang TWG nga researchers para ma address ang mga technical issues, gaps ug pag develop og rekomendasyon aron mahimong malampuson ang pagpatuman sa 911 sa syudad. Pinaagi sa TWG mahimong paspas ang pag responde ug ma centralize ang tanang emergency calls. Ang 911 Integrated Response Group usa ka emergency response nga dunay saktong koordinasyon ug komunikasyon pag-abot sa medical services, fire and rescue units, law enforcement, ug disaster response teams. Pinaagi niini, makabuhat og lakang para sa kaayohan sa mga residente sa syudad asa nakalinya sa vision sa lokal nga panggamhanan sa Butuan sa pagdumala ni City Mayor Ronnie Vicente Lagnada nga mahatag sa katawhan ang saktong serbisyo labi na pag-abot sa emerhensiya.