Gibisita sa Innovations for Poverty Action kun IPA nga sila 𝗞𝗮𝘁𝗲 𝗬𝗼𝘂𝗻𝗴 City Coach Delivery Associates ug 𝗬𝘂𝗻𝗮 𝗟𝗶𝗮𝗻𝗴 kauban sab sila 𝗘𝘂-𝗪𝗮𝘆𝗻𝗲 𝗠𝗼𝗸 gikan sa Harvard University ang mga vegetable farmers sa syudad miaging semana. Kini atol sa natigayong Agriboost 𝗩𝗲𝗴𝗲𝘁𝗮𝗯𝗹𝗲 𝗙𝗮𝗿𝗺𝗲𝗿𝘀 𝗠𝗲𝗲𝘁𝗶𝗻𝗴 sa pagpanguna sa City Agriculture and Veterinary Department -Agriboost Team sa DOP Building Barangay Tiniwisan syudad sa Butuan. Ang pag abot sa mga bisita kabahin sa monitoring ug evaluation sa dagan sa Agriboost Project nga usa sa gitutukan sa LGU Butuan pinaagi ni Mayor Ronnie Vicente Lagnada aron makaangkon og daghang suporta ang mga vegetable farmers sa dakbayan pinaagi sa Agriboost Project sa ingon mudako ang produksyon sa pagkaon sa syudad. Atol sa meeting mikomitar ang mga mag-uuma nga padayon kini mosupply og mga gulay subay sa demand sa vendors. Gitan-aw sab sa mga bisita ang operasyon sa Agrihub Facility nga nahimutang sa Van Terminal Langihan area ug gi-obserbahan ang pag gamit sa Agribloom ug Agrimart App. Apil sab gibisita niini ang AgriMart Flagship Store ug pakig ila-ila sa mga vendors nga naghulat sa orders. Samtang gipahigayon sab sa mga bisita ang workshop sa Agriboost Team ug ang one-on-one interview sa mga Agriboost Farmers aron sayron ang dugang kinahanglan niini pag abot sa pag ugmad sa kaumahan sa ingon magiyahan kini sa mga bag-ong inobasyon.