Nakuha sa Team Madrig ang Silver Medal sa Kyorugi Category sa 2023 MVPSF National CPJ Taekwando Championships nga gipahigayon sa Ayala Mall, Manila sa pagpanguna sa Philippine Taekwando Association. Admitado ilang Head Instructor nga si Rigor Avenido nga dunay mga hagit ang preparasyon para sa kompetisyon tungod kinahanglan gihapon prayoridad ang ilang pag- eskwela bisan paman sa training. Apan bisan sa hagit ug sa mga nakalaban nila nga mga dagko nga players nasakmit gihapon nila ang Silver Medal. Si Reynaldo Salcedo nakuha ang Silver Medal sa Sparring Kyorugi- Cadet Light Weight Male samtang si Paul Raven Benigay nakuha ang Silver medal sa Kyorugi Cadet Fly Weight Male. Malipayon ang Lokal nga Panggamhanan sa Butuan sa nakab-ot sa mga bata sa Team Madrig Martial Arts ug nanghinaut nga mas daghan pa nga mga kompetisyon ang ma apilan aron mas mahasa pa pag-abot sa Taekwando. Gitakda usab nga pasidunggan ang mga Atleta sa Lokal nga Panggamhanan sa Butuan pinaagi sa City Sports Office.