Nanguna ang rehiyon sa Caraga sa dunay taas nga nakuhang porsyento sa mga nabakunahan sa Measles-Rubella and Oral Polio Vaccine Supplemental Immunization Activity kon MR-OPV SIA, sa tibuok nasud. Ang pagpamakuna nagsugod Mayo 2, ning tuiga. Nakuha sa rehiyon sa Caraga ang 75.93% sa Oral Polio Vaccine ug 76.64% sa Measles-Rubella Vaccine. Samtang ang syudad sa Butuan nakabakuna na og 90.55% sa Oral Polio Vaccine ug 92.66% Measles-Rubella Vaccine. Ang mga batang gibakunahan sa Measles-Rubella Vaccine mao ang mga nag edad 9 hangtud 59 months. Ihatag usab ag Oral Polio Vaccine sa mga batang nag edad 0 hangtud 59 months. Walay tambal sa Polio, Rubella ug Measles apan usa lang ang epektibo nga pamaagi aron malikay niini nga mga sakit - ang pagpabakuna sa mga bata. Hingpit nga nanawagan si Butuan City Mayor Ronnie Vicente Lagnada nga pabakunahan ang mga bata kalabot na niining mga sakit aron malikay sa posibilidad nga outbreak. Padayon ang pagpamakuna sa mga Health Care Workers sa syudad asa mubisita sila sa mga barangay pinaagi sa mga house-to-house vaccination. Mamahimo usab muadto sa mga fixed post sama sa mga Malls ug mga Waiting Shed sa Barangay.