Gi-aprobahan sa komitiba sa appropriation ug accounts ang mga proposed supplemental budget sa Barangay Maug ug Imadejas ning syudad. Lakip sab gi-aprobahan ang mga proposed annual budget sa Sangguniang Kabataan nga gikan sa Barangay Mahay, Kinamlutan, Los Angeles, Fort Poyohon, Lumbocan, Maguinda, Ampayon, Urduja, Maon ug San Ignacio. Kini atol sa natigayong committee hearing sa appropriation ug accounts sa pagpanguna ni Butuan City Vice Mayor Lawrence Fortun isip Chairperson sa komitiba uban sa mga miyembro sa Sangguniang Panlungsod. Human nadawat ang sulat gikan sa buhatan ni Mayor Ronnie Vicente Lagnada pinaagi sa reference sa Department of Budget Management Review ug pinasubay sa ordinance no. 7023-2023 (2024 Annual Budget), gi-aprobahan sab sa komitiba ang 5% nga adjustment sa Local Disaster Risk Reduction Management Fund LDRRMF kini alayon sa National Tax Allotment NTA aron dunay magamit panahon nga dunay muabot nga kalamidad.