Mapasalamaton si 22nd UP President Atty. Angelo “Jijil” Jimenez sa walay puas nga suporta nga gipakita kaniya labina sa mga taga Butuan lakip na sa lokal nga panggamhanan sa syudad. Sama na lang sa natigayong Testimonial Dinner alang kaniya miaging semana. Indikasyon matud pa kini nga maayo ang sign nga gipakita dili lang sa mga Alumni sa UP apan lakip mga taga Butuan nga buot molambigit sa mga dagkung isyu sa nasud labina na sa hisgutanang edukasyon. “I am so happy to see that and I am hoping that we can do something positive out of it especially in terms of engaging in activities that will promote literacy among our young people which is already a big issue today,” mensahe ni Atty Angelo Jimenez, UP President. Dugang pa sa opisyal nga kinahanglang iprayoridad ang tulo ka major issues sa literacy labina sa mga young people aron maandam sila sa umaabot. “I actually encouraging them to be involved in especially in three major issues sa mga literacy among our young people to prepare them for the future. I am talking reading comprehension, I am talking about Math, Sciences. These are critical areas that we really have to intervene to prepare them to college and the world of work. Also, to support our aspirations to become a fully developed country,” dugang pa niya. Nanghinaut si Jimenez nga pinaagi sa suporta sa mga taga Butuan makapukaw kini sa usa ka nasudnong kalihukan nga maghatag prayoridad sa edukasyon.