Malampuson ug produktibo ang natigayong Creatives Industry Regional Stakeholders Workshop sa Balangay Function Room Go Hotels Butuan miaging semana. Sentro sa diskusyon sa workshop ang pagpalapad sa suporta sa gobyerno ngadto na sa mga artists ug creatives services industry sa caraga region. Tagsa-tagsa sab nga mipadayag ug mipaambit ang mga stakeholders sa DTI Caraga kalabot sa kasamtangang sitwasyon, issues ug panginahanglanon sa komunidad ilabina sa paghatag og suporta ug igong pondo sa mga kalihukan sa nagkadaiyang artists ug creatives pinaagi sa nagkalain-laing domains. Mihangyo sab ang creative services industry sa mga ahensya nga tabangan silang makakuha og suporta ilabina sa market sa tagsa-tagsang obra ug talento. Sumala ni DTI Caraga Regional Director Gay Tidalgo nga ang makuhang ideya sa workshop usa sa paagi nga marealize ang mga shared vision alang sa progresibong rehiyon sa caraga. Nagpasalamat sab ang mga opisyal sa tanang misanong sa kalihukan alang sa empowerment creatives industry tungod usa kini sa tinubdan sa economic growth sa caraga region. Usa kini ka kalihukan sa Creative Caraga Festival sa pagpanguna sa DTI Caraga uban sa pagtambayayong sa lokal nga panggamhanan sa Butuan, PSA ug ubang partner agencies.