Pormal na nga gi-ablihan ang Street Food Festival kaganinang buntag nga gipangunahan sa City Trade Industry, Investment, and Promotion Office kun CTIIPO sa Cityhall Grounds. Dunay 20 ka street vendors ang nipartisipar sa aktibidad nga gitunga sa duha ka batch. Gibida nila ang ilang mga produkto sa barato nga presyo. Tumong niini nga matabangan ang mga street vendors nga mapakita ang ilang mga produkto sa katawhan. Usa kini ka staging area nga maghatag og higayon nga makuha sab ang feedback sa ilang kliyente aron mapalambo pa ilang produkto. Gawas niini, gi-praktis napod ang mga vendors sa dinagko nga aktibidad alang na sa Proposed Night Market sa Guingona Park. Nanghinaot si Maria Kristina Cassion, CTIIPO Head nga suportahan sa katawhan ang gipahigayon nga Street Food Festival pinaagi sa pagbisita ug pagpalit sa ilang mga produkto. Abli ang Street Food Festival alas 8 sa buntag hangtud na alas 6 sa hapon nga molungtad hangtud Agosto 31, 2023.