Hugot nga gipatuman sa lokal nga panggamhanan sa Butuan ang Strategic Performance Management System kun SPMS atol sa natigayong Strategic Performance Management System Annual Review Conference miaging semana. Gipangunahan kini ni Mayor Ronnie Vicente Lagnada isip Chairman sa Performance Management Team PMT sa Executive Branch uban ni Vice Mayor Law Fortun isip Chairman sa Performance Management Team PMT Legislative branch nga gitambungan sa mga department heads ug administrative officer sa city government sa Butuan. Katuyuan niini nga madiskusyunan ang nag-unang issues ug concern sa pagpatuman sa SPMS miaging tuig ug sa katamtangang tuig. Buot ni Mayor Lagnada nga hingpit nang ma-implementar ang reorganization ug rationalization sa tanang buhatan sa city government sa Butuan apil na ang pagmugna og laing mga buhatan aron mainstitutionalize ang kinatibuk-ang structure ug organization. Sa nasangpit nga panagtigum mihatag sa direksyon si Mayor Lagnada sa tanang Department Head sa hugot nga pagmonitor sa mga personahe niini aron makita ang saktong performance ug makigcoordinate sa City Internal Audit Service Office kun CIASO ug City Information Communication Technology Office kun CICTO alang sa hapsay nga operasyon. Giawhag sab niini nga mo-trabaho isip isa ka team ug palambuon ang gihatag nga serbisyo. Alang kaniya ang human resource mao ang asset sa organisasyon hinungdan importante ang maayong performance sa tanang empleyado. Atol usab sa maong panagtigum gidayeg ni Mayor Lagnada ang CBPLO ug BMC tungod sa mitaas ang koleksyon niini. Nahimong malampuson ang tinuig nga conference sa pagtinabangay sa City Human Resource Management Office, CIASO ug Office of the City Planning Development Coordinator.