Nag-inusarang syudad ang Butuan nga adunay Statistics Committee. Ang Butuan City Statistics Committee gimugna pinaagi sa Executive Order No. 028 series of 2020. Ang nasangpit nga committee daku og papel kabahin sa data gathering ug numerical profiling aron magamit sa dakbayan sa development planning implementation ug pag monitor sa mga programa ug proyekto nga nanginahanglan og mga datus. Daku usab kini og ikatabang sa pagpanday sa Butuan City nga mahimong hub of opportunities sa Caraga Region, pinaagi sa reliable ug comprehensive baseline data. Sa unang coordination meeting nga gipahigayon, gipanguluhan kini sa Office of the City Planning and Development Coordinator ug giubanan sa Office of the City Civil Registrar ug uban pang departamento nga mga myembro ug mga ahensya. Nag propose ang committee og mga pag-amyenda sa Executive Order ug pag-update niini nga mohaum ug matubag ang mga gikinahanglan sa kasamtangang sitwasyon. Ang nasangpit usab nga komitiba naghimo na og mga inisyal nga mga plano alang sa pag suporta sa umaabot nga National Statistics Month karong Oktubre.