Aprobado na sa mga myembro sa Sangguniang Panlungsod sa Butuan City sa pagpanguna ni Vice Mayor Lawrence Fortun ang SP Resolution no. 014-2023 o ang resolusyon nga pagtugot sa city government sa Butuan pinaagi ni Mayor Ronnie Vicente Lagnada sa pagpirma sa Memorandum of Agreement kun MOA tali na sa Department of Science and Technology-Philippine Institute Volcanology and Seismology DOST-PHIVOLCS. Kini kabahin sa pagpatuman sa proyekto nga Butuan City Earthquake Model-Event -Based Probabilistic Seismic Risk Assessment BCEM-EBPSRA. Kini nga resolusyon gipangunahan ang pagpangamahan ni City Councilor Cherry May Busa uban sa mga kaubang konsehal sa syudad nga hugtanung gisuportahan sab ni Vice Mayor Fortun. Ang DOST-PHIVOLCS magpatuman sa Probabilistic Seismic Hazard ug Risk Assessment kun PSHRA nga proyekto asa napili ang syudad sa Butuan sa mga himuong area sa pagtuon nga giingong Butuan City Earthquake Model-Event-based Probabilistic Seismic Risk Assessment. Napili usab ang city government sa Butuan gumikan ang syudad usa sa dunay kumpletong database sa mga building ug struktura nga magamit sa paghimo sa exposure ug mga pagtuon nga kinahanglanon sa DOST-PHIVOLCS alang sa pagpatuman sa nasangpit nga proyekto. Ang mamahimong resulta sa mga pagtuon mamahimong makuha ug masayran sa city government sa Butuan isip usa usab sa stakeholders ug ipahibalo sa publiko hangtud na sa barangay level.