Aprobado na sa Butuan City Sangguniang Panlungsod members ang SP Resolution no. 342-2023 isip pagtugot sa paghatag og lugway sa deadline sa bayad ug proseso nga walay penalty sa renewal sa Motorized Tricycle Operators Permit kun MTOP sa tanang rehistradong tricycle for-hire units sama sa orange-colored, suburb tricycles ug motorela. Molungtad na ang gihatag nga lugway hangtud Oktubre 31, 2023. Kini human sa hangyo sa City Business Permit and Licensing Office kang Mayor Ronnie Vicente Lagnada gumikan sa mga rason sa pagpatuman sa Executive Order no. 026-2023 o ang Omnibus Guidelines sa Planning ug Identification sa Tricycle ug Pedicab Public Transportation Services ug Franchise Issuance asa daghan ang tricycle ug operators nga maglisod na pag renew on time tungod sa affidavit of undertaking nga apil sa temporaryong rekisitos sa renewal sa MTOP. Gipangunahan ang ang pagpangamahan sa SP Resolution ni City Councilor Atty. John Gil Unay, Committee Chairperson sa Franchise and licenses uban nila Vice Mayor Lawrence Fortun ug sa tibook pwersa sa SP members sa syudad sa Butuan.