Gi-aprobahan na sa mga miyembro sa Sangguniang Panlungsod sa pagpanguna ni Vice Mayor Lawrence Fortun ang SP Resolution no. 239-2023 isip pag-ila ug pagdayeg sa kalampusan sa mga Butuanon nga nakalampos ug migradwar sa Philippine Military Academy PMA Madasigon Class 2023. Gi-ila ang mga Butuanon nga sila 2LT Nicole Sarmiento, 2LT Jeslan Gale Cubillas ug Ens John Kyle Benitez. Kini nga kalampusan sa mga Butuanon nagpakita sa exceptional commitment, perseverance ug merit sa katuigan nga gipailwom kini sa pagbansay sa PMA. Tungod niini ang tibook pwersa sa lokal nga panggamhanan sa Butuan saludo sa mga Butuanong madasigong nakakab-ot sa pangandoy alang sa tagsa-tagsang pamilya. Ang nangamahan sa resolusyon gipangunahan mismo ni Vice Mayor Fortun.