Aprobado na sa mga miyembro sa Sangguniang Panlungsod sa syudad sa Butuan sa pagdumala ni Vice Mayor Lawrence Fortun ang SP Resolution no. 105-2023 o ang pagtugot kang Mayor Ronnie Vicente Lagnada pinaagi sa City Government sa Butuan nga muapil sa kasabutan ug pinirmahay isip landowner sa deed of usufruct. Kini tali na sa Bureau of Fire Protection kun BFP isip usufructuary sa usa ka lote nga dunay kadak-on nga 1000 square meters nga nahimutang sa Barangay Libertad diin tukuran sa Butuan City Central Fire Station. Human sa natigayong mga deliberasyon nakita sa mga miyembro sa SP ang panginahanglanon sa ahensya hinungdan gihatag niini ang hugot nga suporta alang sa proyekto. Ang SP resolusyon gipangamahanan nila Konsehal Rey Desiata uban ni Konsehal Vincent Rizal Rosario.