Gi-aprobahan na sa mga miyembro sa Sangguniang Panlungsod sa pagpanguna ni Vice Mayor Lawrence Fortun ang SP Resolution no. 055-2023 o ang resolusyon nga pagtugot kang Mayor Ronnie Vicente Lagnada pinaagi sa City Government sa Butuan sa pagpirma sa revised Memorandum of Agreement kun MOA tali na sa Caraga State University CSU. Kini alang sa mga estudyante/trainees nga mikuha sa kursong Bachelor of Science in Agriculture and Biosystems Engineering nga mag On-the-Job Training sa City Agriculture Office. Ang OJT program usa sa gikinahanglan alang sa mga graduating nga mga estudyante asa dunay 360 nga oras hinungdan suportado kini ni Mayor Lagnada. Sa maong MOA gitugutan ang mga studyante nga magpahigayon og OJT sa city government sa Butuan asa applicable kini sulod sa tulo ka termino. Ang nasangpit nga resolusyon gipangunahan ang pagpangamahan ni City Councilor Joseph Omar Andaya isip committee chair sa education culture arts and heritage uban sa tibook pwersa sa sangguniang panlungsod.