Gi-aprobahan na ni Mayor Ronnie Vicente Lagnada ang SP Resolution no. 300-B-2022 o ang resolution nga pag-adopt ug pag aproba sa Local Climate Change Action Plan alang sa budget sa tuig 2023 sa city government sa Butuan asa dunay gibanabanang pondo nga muabot sa kapin 494 million pesos. Ang nasangpit nga pondo sa LCCAP 2023 naglangkob sa usa ka halapad nga han-ay sa gi consolidate nga mga programa, proyekto ug aktibidad gikan sa nagkadaiyang buhatan sa city government sa Butuan nga nag adapt ug pagpagaan sa posibleng epekto sa climate change. Kini base sa section 14 sa RA 9729 o mas naila nga Climate Change Act of 2009 subay sa giamyendahang RA 10174 asa mao nga gikinahanglan ang usa ka LGU mamahimong mangunang ahensya sa pagmugna, pagplano ug pagpatuman sa climate change action plans sa tagsa-tagsang areas. Nahiuyon kini sa probisyon sa local government code, framework strategy on climate change ug national climate change action plan. Tungod niini nakita sa SP nga gikinahanglan kini sa syudad hinungdan hugtanun kining giduso ni City Councilor Vincent Rizal Rosario uban ni City Councilor Cromwell Nortega asa suportado sa tibook pwersa sa Sangguniang Panlungsod sa pagdumala ni Vice Mayor Lawrence Fortun. Follow us: https://www.facebook.com/butuancitypioofficial https://www.youtube.com/c/ButuanCityPIOOfficial https://www.instagram.com/butuancitypio https://twitter.com/ButuanPIO https://www.tiktok.com/@butuanpio #ButuanON #ACityAscending