Gi-aprobahan sa tibuok pwersa sa Sangguniang Panlungsod members sa pagpanguna ni Butuan City Vice Mayor Lawrence Fortun ang SP Resolusyon alang sa ipahigayong pinirmahay sa Memorandum of Agreement tali na sa lokal nga panggamhanan sa Butuan pinaagi ni Butuan City Mayor Ronnie Vicente Lagnada ug Manuel J. Santos Hospital. Kini kalabot sa paghatag og laboratory services sa mga pasyente sa Butuan Medical Center kun BMC pinaagi sa referral system. Kini nga resolusyon gipangamahanan nila City Councilor Eduardo Gonzalez, Committee Chairperson sa Health and Sanitation ug City Councilor Cromwell Nortega, Committee Chairperson sa Good Government, Ethics, Human Rights Laws, Rules, and Styles. Katuyuan niini nga masigurong ang mga pasyente sa BMC makakuha sa laboratory ug diagnostic services kung dili kini available sa BMC. Subay niini, gipaniguro sab sa lokal nga panggamahanan sa Butuan pinaagi ni Mayor Lagnada nga ang serbisyong makuha sa MJ Santos Hospital sa mga indigent nga pasyente covered kini sa No Balance Billing Policy sa BMC. Nakalatid usab sa resolusyon nga ang mga kwalipikadong indibidwal makadawat usab sa susamang essential health services nga walay dugang gasto. Ang Butuan Medical Center duna nay igong resources alang sa gikinahanglang diagnostic ug laboratory tests, apan gipangandaman lamang niini ang mga sitwasyon o sirkumtansya nga dili masayran. Hinungdan namugna ang piniramahay sa MOA alang sa kaayuhan sa mga pasyente nga mamahimong irefer sa MJ Santos Hospital ilawum sa bag-ong kasabutan. Anaa sa resolusyon nga taas-taas na ang panahon sa partnership ug kasabutan tali sa city government sa Butuan ug MJSH nga nagsugod pa sa tuig 2018, 2019 ug tuig 2022 aron masigurong mahatag ang laboratory services sa labing nagkinahanglan. Ang SP resolusyon subay sa Republic Act No. 10606 o sa National Health Insurance Act of 2013 ug PhilHealth Circular No. 2017-0006 asa parehong naglantaw nga matabangan ang katawhan sa galastuson sa pagkuha sa kinahanglang healthcare services. Ang resolusyon naaprobahan atol sa natigayong 35th Regular SP Session sa pagpanguna ni Vice Mayor Law Fortun.