Gi-aprobahan sa Sangguniang Panlungsod members ang SP Resolution no. 237-2023 nga pagtugot kang Mayor Ronnie Vicente Lagnada pinaagi sa City Government sa Butuan sa pagpirma sa Memorandum of Agreement kun MOA kauban ang Department of Agriculture Regional Field Office 13, KM7 Farmers Producers Cooperative ug ang Highly Urbanized City Agriculture ug Fishery Council HUCAFC-Butuan City. Kini kabahin sa pagpatuman sa Community-Based Swine Production pinaagi sa clustering ug consolidation project sa Barangay Tungao ning syudad sa Butuan ilawom sa Integrated National Swine Production Initiatives alang sa Recovery ug Expansion kun INSPIRE program sa Department of Agriculture. Kahinumduman nga gilusad sa DA ang Integrated National Swine Production Initiatives alang sa Recovery ug Expansion INSPIRE Program aron sa pagpatuman sa calibrated repopulation ug enhancement sa local swine industry aron makabangon ang sektor pinaagi sa locally produce ug supisyenteng supply sa hogs ug pork. Basi sa gipahigayong pagtuon ug ebalwasyon nahimong eligible ug kwalipikado ang KM7 Farmers Producers Cooperative sa proyekto tungod usa kini sa rehistrado ug accredited farmers’ cooperative asa dunay igong kapasidad sa pagbutang sa Community-Based Swine Farm ilawum sa INSPIRE Program. Gipangunahan ang SP Resolusyon sa pagpangamahan nila City Councilor Arturo Gado, John Gil Unay, Cherry May Busa, Cromwell Nortega, Gemma Tabada, Victor Plaza, Eduardo Gonzalez, Ehrnest John Sanchez, ug Vincent Rizal Rosario nga suportado ni Vice Mayor Lawrence Fortun.