Giaprobahan na sa tibook pwersa sa Sangguniang Panlungsod members ang SP Resolution no. 218-2023 nga naghatag pagtugot kang Mayor Ronnie Vicente Lagnada sa pagpirma sa Memorandum of Agreement kun MOA tali na sa Department of Social Welfare and Development-Field Office Caraga. Ang MOA nagtinguha sa paghatag og Medical Assistance alang sa mga indigent nga pasyente sa Butuan Medical Center pinaagi sa credit line sa nasangpit nga ahensya nga mukabat sa 300,000.00 pesos. Kini nga programa pinasubay sa DSWD issued Memorandum circular no.11 series of 2019 nga giamyendahan sa Memorandum Circular No. 24, series of 2020 o mas naila nga The Revised Guidelines on the Implementation of the Assistance to Individuals in Crisis Situation kun AICS. Kini gilangkuban sa transportation assistance, medical assistance, burial assistance, educational assistance, food assistance, cash assistance alang sa ubang support services, psychosocial intervention ug referral sa ubang serbisyo. Naaprobahan ang SP resolusyon human sa gipahigayong joint committee hearing sa komitiba sa Social Welfare ni Konsehal Victor Plaza ug Committee on Health and Sanitation Konsehal Eduardo Gonzalez aron ma-evaluate ang tumong sa MOA ug mapromote ang probisyon sa pagpalambo sa social services sa syudad.