Aprobado na sa Sangguniang Panlungsod ang SP Resolution no. 142-2023 nga pagtugot kang Mayor Ronnie Vicente Lagnada sa pagpirma sa Memorandum of Understanding kun MOU pinaagi sa City Government sa Butuan kauban ang Kabang Kalikasan ng Pilipinas Foundation Inc. KKPFI mahitungod sa pagpatuman sa Sustainable Infrastructure Program in Asia (SIPA). Pinaagi niini nga proyekto masigurong mo-align ang national policy frameworks sa mga programang prayoridad sa matag LGU sama sa enerhiya, transport ug industry asa dunay dakung kalambigitan sa climate resilience sa imprastraktura, planning ug investment. Makasiguro usab nga makamugna og long term strategic planning ug dunay striktong project level evaluation. Ang SIPA kabahin sa proyekto sa International Climate Initiative nga gisuportahan sa Federal Ministry alang sa kinaiyahan, Nature Conservation ug Nuclear Safety nga gipatuman sa consortium. Kini sa pagpanguna sa Organization for Economic Co-operation ug Development OECD kauban ang WWF-Indonesia and WWF-Philippines. Nanguna sa pagpangamahan sa resolusyon sila City Councilor Rey Desiata, Vincent Rizal Rosario, Victor Plaza, Cherry May Busa, Ehrnest John Sanchez, Cromwell Nortega ug Gemma Tabada.