𝗦𝗣 𝗥𝗘𝗦𝗢𝗟𝗨𝗦𝗬𝗢𝗡 𝗦𝗔 𝗜𝗣𝗔𝗛𝗜𝗚𝗔𝗬𝗢𝗡𝗚 𝗣𝗜𝗡𝗜𝗥𝗠𝗔𝗛𝗔𝗬 𝗦𝗔 𝗠𝗢𝗔 𝗦𝗔 𝗟𝗚𝗨 𝗕𝗨𝗧𝗨𝗔𝗡 𝗨𝗚 𝗗𝗦𝗪𝗗 𝗖𝗔𝗥𝗔𝗚𝗔 𝗔𝗥𝗢𝗡 𝗠𝗔𝗦𝗨𝗟𝗕𝗔𝗗 𝗔𝗡𝗚 𝗖𝗛𝗜𝗟𝗗 𝗟𝗔𝗕𝗢𝗥 𝗡𝗚𝗔 𝗞𝗔𝗦𝗢 𝗦𝗔 𝗦𝗬𝗨𝗗𝗔𝗗, 𝗔𝗣𝗥𝗢𝗕𝗔𝗗𝗢 𝗡𝗔
February 07 2023, Tuesday 04:00 PM
Giaprobahan na sa Sangguniang Panlungsod Butuan sa pagdumala ni Vice Mayor Law Fortun ang SP Resolution no. 372-2022 o ang resolusyon nga pagtugot sa City Government sa Butuan pinaagi ni Mayor Ronnie Vicente Lagnada sa himuong pinirmahay sa Memorandum of Agreement tali na sa Department of Social Welfare and Development kun DSWD Caraga kabahin sa Strategic Helpdesk alang sa Information, Education, Livelihood ug uban pang Developmental Interventions SHIELD aron matubag ug masulbad ang kaso sa child labor sa syudad sa Butuan.
Kini nga SP Resolution no. 372-2022 gipangunahan ang pagpangamahan ni City Councilor Victor Plaza uban sa mga aktibong kaubanang mga konsehal sa syudad sa Butuan.
Ang resolusyon base sa Section 3 sa Republic Aact no. 5416 o ang Social Welfare Act sa 1968 asa usa sa tahas sa DSWD nga magmugna ug magpatuman sa comprehensive social welfare program nga naglangkub sa pagpanalipod ug remedial development nga mga serbisyo alang sa mga kabataan.
Giila sa DSWD ang dakung papel sa government agencies, local government units ug NGOs sa malampusong pagpatuman sa mga programa ilabina ang pagbayluay sa importanteng impormasyon, technical assistance ug paghatag sa probisyon aron masuportahan pinaagi sa lain-laing serbisyo ang mga child laborers ug ang pamilya niini.
Hinungdan mitugot ang city government sa Butuan nga mapatuman ang SHIELD aron matabangan ug maproteksyunan ang mga kabataan ingonman ang pamilya.
NEWS ARTICLES