Gi-aprobahan na ni Mayor Ronnie Vicente Lagnada ang SP Resolution no. 300-A-2022 o ang resolusyon sa pag aproba sa Local Disaster Risk Reduction and Management Plan alang sa Budget tuig 2023 LDRRMP 2023. Kini pinasubay sa City Disaster Risk Reduction and Management Council CDRRMC ilawom sa resolution no. 2022-12 asa apil usab ang Local Disaster Risk Reduction and Management Fund Investment Plan alang sa budget sa tuig 2023 nga musuma total sa kapin 135 million pesos. Kini aron hingpit nang mapatuman ang mga programa, proyekto ug aktibidad isip pagpangandam sa local levels sa mga preventive measures sa posibleng muabot nga kalamidad subay sa nakahan-ay nga plano sa DRRM. Gihingusgan kini sa city government sa Butuan pinaagi ni Mayor Lagnada tungod gikinahanglan kini sa usa ka local government unit base sa mandato sa Republic Act 10121 o ang Philippine Disaster Risk Reduction and Management Act sa 2010 alang sa quick response nga pondo. Kini aron masiguro nga dunay nakastandby nga pondo alang sa relief ug recovery programs alang sa hinanaling pagtubag sa panginahanglanon sa mga apektadong komunidad sa kalamidad, epidemya o complex nga emerhensiya. Kini nga resolusyon gipangunahan ang pagpangamahan ni City Councilor Vincent Rizal Rosario uban ni Cromwell Nortega.