π¦π£ π₯ππ¦π’ππ¨π¦π¬π’π‘ π‘ππ π£πππππ§ππ π’π ππππππ©ππ₯ ππ‘πππ‘π§ππ©ππ¦ π¦π π ππ ππ¨π§π¨ππ‘π’π‘π ππ§πππ§π π¦π π π¨ππ¬ π§πππ, ππ£π₯π’ππππ’ π‘π
January 19 2023, Thursday 11:00 AM
Makadawat og achiever incentives gikan sa LGU Butuan pinaagi sa City Sports Office ang mga Butuanong atleta sa Muaythai subay sa gi-aprobahang SP Resolution No. 341-2022 nga gipangamahanan ni SK Federation President Cynth Zephanee Nietes ilawom sa SP Ordinance No. 6169-2020 ni City Councilor Cromwell Nortega nga aprobado usab ni Mayor Ronnie Vicente Lagnada.
Kini tungod sa nasakmit nga kadaugan sa 2022 Muay Thai National Championship nga gipahigayon Nobyembre 29, 2022 hangtud Disyembre 3, 2022 sa Subic Zambales.
Ang mga Butuanong atleta sa Muay Thai nga makadawat sa maong insentibo mao sila Alcriz Josol, 36kg Gold Medalist nga makadawat og 50,000 pesos, Chris Vernon Calo, 42kg ug makadawat og 50,000 pesos ug John Rashiel Arcite Bronze Medalist 42kg, makadawat og 20,000 pesos sa parehong Junior 12 hangtud 13 years old Divison. Sa Junior 16 hanggtud 17 Years Old Division, Gold Medalist si Hannahgin Mag-isa sa 48kg nga makadawat og 50,000 pesos ug Silver Medalist sa 71kg si Roland Benedict SerdiΕa nga makadawat og 30,000 pesos. Samtang sa Senior Divison Gold Medalist si Ejay Gelendez, 60kg nga makadawat og 50,000 pesos ug Silver Medalist si Jervie Eslao nga makadawat og 30,000 pesos.
Gihingusgan ni Mayor Lagnada uban sa hiniusang pwersa sa Sangguniang Panlungsod sa pagdumala ni Vice Mayor Lawrence Fortun nga matabangan ug masuportahan ang tanang Butuanong atleta aron mapursige ug madasig kini sa tanang salmutang kompetisyon tungod usa kini nga nagdala sa dakong dungog sa syudad ngadto sa laing dapit.
NEWS ARTICLES