Aprobado na ni Vice Mayor Lawrence Fortun ang SP Resolution no.348-2022 isip pag-ila sa kalampusan sa mga Butuanon nga topnotcher sa Licensure Examination for Teachers kun LET miaging Oktubre tuig 2022. Lakip sab ang paghatag og medals of academic excellence ug ang paghatag og cash incentives niini gikan sa city government sa Butuan nga giaprobahan ni Mayor Ronnie Vicente Lagnada. Ang mga Butuanong topnotcher nga sila Roljane Enriquez Manilag, Top 2, 94.20% rating makadawat og 25,000 pesos, Grace Ann Cainday Pairez Top 4, 93.80% rating makadawat og 15,000 pesos ug Ailene Agripo Meking, Top 7, 93.20% rating nga makadawat og 10,000 pesos. Ang nasangpit nga mga topnotchers sa LET migradwar sa managlahing unibersidad sa nasud. Samtang garbo usab sa syudad sa Butuan ug sa Agusan Colleges Incorporated ang kalampusan ni Ginalyn Nakila asa nag top 10 sa LET nga nakakuha og 92.60% rating. Ang resolusyon nga paghatag sa insentibo sa mga butuanong topnotcher sa LET gipangamahanan ni City Councilor Joseph Omar Andaya, Committee chair on Education subay sa SP Ordinance no. 5545-2018 o mas naila nga Butuanon Topnotchers Ordinance.