Aprobado na sa Sangguniang Panlungsod ang SP Resolusyon sa paghatag og laing qualifier incentives sa Butuanong Arnis Team. Makadawat ang mga myembro sa Butuanong Arnis Team kung sila mo qualify sa PEKAF National Battle of Champions nga ipahigayon sa Pebrero tuig 2023. Makadawat og tag 20,000 pesos ang mga atleta nga sila Ira Mirafuentes gold medalist sa duha ka kategorya, Rhanny James Bagaipo gold medalist ug bronze medalist sa managlahing kategorya, Dave Felisilda gold medalist, Kiristine Pecatoste silver medalist ug bronze medalist sa managlahing kategorya, Christian Irag bronze medalist, Nathalie Cahapay silver medalist, Kimberly Caingles silver medalist, King Almero silver medalist, Abegail Camaren bronze medalist ug Remichael Almodiel bronze medalist. Kini subay sa SP Resolution No. 340-2022 nga gipangamahanan ni SK Federation President Cynth Zephanee Nietes nga gipamatud-an ni City Councilor Cromwell Nortega. Kini isip pag-ila ug pagdayeg sa kalampusan sa mga Butuanong Arnis Team ilawom sa giaprobahang ordinansa o SP Ordinance ni 6169-2020 ni Mayor Ronnie Vicente Lagnada nga gipangamahanan usab ni City Councilor Nortega. Gisiguro ni Mayor Lagnada nga mahatagan sa suportang pinansyal ang mga Butuanong atleta aron matabangan kini sa mga galastusan ilabina panahon sa pagbansay ug sa mismong kompetisyon.