Gi-aprobahan na sa Sangguniang Panlungsod members Butuan ang SP Resolution no. 306-2023 nga pagtugot kang Mayor Ronnie Vicente Lagnada pinaagi sa City Government sa Butuan sa pagpirma sa Memorandum of Agreement tali na sa Nephrology Center of Caraga Inc. kun NCCI sa katuyuan nga maka avail ang NCCI sa Ambulance Transport Services sa lokal nga panggamhanan sa Butuan pinaagi sa referral system. Ang NCCI usa sa otorisado ug lisensyadong nag operate og pribadong dialysis center nga dunay igong kapasidad, ekipo, manpower ug teknolohiya nga makahatag og hemodialysis treatment sa mga kidney patients apan kulang kini sa ambulansya alang sa pagtransport sa mga pasyenteng nagkinahanglan nga mabyahe padulong sa hospital o nagkinahanglan na og admission. Isip ang lokal nga panggamhanan sa Butuan pinaagi sa Butuan Medical Center dunay pasilidad, ekipo ug serbisyong makahatag sa kinahanglang medical intervention ug pagdumala sa mga emergency life-threatening situations miuyon ang SP members sa kasabutan basi sa nakalatid sa MOA. Human sa natigayong committee hearing, evaluation ug deliberation sa SP Committee on Health and Sanitation sa pagpanguna ni City Councilor Eduardo Gonzalez ug SP Committee on Good Government, Ethics, Human Rights, Laws, Rules and Styles sa pagpanguna ni City Councilor Cromwell Nortega, makagamit ang NCCI sa ambulansya isip transport vehicle sa mga pasyente pinaagi sa referral system. Ang nasangpit nga lakang suportado ni Vice Mayor Lawrence Fortun uban sa tibook pwersa sa mga myembro sa SP. Ang resolusyon gipangamahanan nila City Councilor Eduardo Gonzalez ug City Councilor Cromwell Nortega.