Aprobado na sa Sangguniang Panlungsod members ang SP Resolution No. 103-A-2023 nga pagtugot kang Mayor Ronnie Vicente Lagnada pinaagi sa city government sa Butuan sa pagpirma sa Memorandum of Agreement kun MOA tali na sa Department of Environment amd Natural Resources -Environmental Managemet Bureau (DENR-EMB) Region 13 kabahin sa ipatumang proyekto sa assessment, supply, delivery ug installation sa Brandnew preliminary disinfection ug storage facility alang sa nakolektang covid-19 waste. Nakalatid sa MOA nga ang DENR-EMB mao ang maghatag sa brand new preliminary disinfection ug storage facility alang sa makolektang covid-19 related waste sa LGU Butuan kini pinasubay sa RA 9003. Ang lokal nga panggamhanan usab ang mangita sa mamahimong installation site alang sa butangan sa pasilidad nga dunay minimum area nga muabot sa 50 square meters ug mag assign og tulo ka personahe aron modumala sa operasyon sa pasilidad ug uban pang responsibilidad. Subay niini, gi-aprobahan usab sa Sangguniang Panlungsod ang SP Resolution No. 103-B-2023 isip pagtugot kang Mayor Ronnie Vicente Lagnada sa pagpirma pinaagi sa city government sa Butuan nga mamahimong Donee sa Deed of Donation DOD kauban ang DENR-EMB Region 13 isip Donor, sa Brand New Preliminary Disinfection ug Storage Facility alang sa makolektang Covid-19 related waste. Ang nasangpit nga mga resolusyon gipangunahan ang pagpangamahan ni City Councilor Victor Plaza uban ni City Councilor Rey Desiata nga suportado sa tanang myembro sa SP sa pagdumala ni Vice Mayor Lawrence Fortun.