Giaprobahan na sa mga miyembro sa Sangguniang Panlungsod ang second reading sa SP Ordinance sa Reorganization sa City Education Development Department kun CEDD kini atol sa natigayong 37th Sangguniang Panlungsod Session sa pagpanguna ni Vice Mayor Lawrence Fortun. Ang CEDD naglangkob sa upat ka buhatan sa lokal nga panggamhanan sa Butuan - ang City Sports Office, City Education Literacy Scholarship Office kun CELSO, City Public Library ug City Youth Development Office. Ang gihimong reorganization sa upat ka buhatan ug nahimo ng CEDD magtutok sa pagpausbaw sa mga programa ug proyekto nga dunay dakung kalambigitan ang mga kabataan nga magsumikad sa paghatag og suporta sa edukasyon, sports ug uban pa. Ang ordinansa sa reorganization gipangunahan ang pagpangamahan ni City Councilor Ehrnest John Sanchez, Committee Chairperson sa Civil Service ug Reorganization uban sa suporta ni Vice Mayor Fortun ug tibook pwersa sa Sangguniang Panlungsod members.