Aktibong misalmot ang mga miyembro sa Sangguniang Panlungsod Butuan sa 2nd Series sa Philippine Councilors League Quarterly Continuing Local Legislative Education Program kun CLLEP nga gipahigayon sa Waterfront Hotel Lahug, Cebu City miaging semana. Ang Philippine Councilors League gidisenyo aron matigum ang tanang local councilors sa tibook nasud ug mopartisipar sa ipahigayong diskusyon, workshops ug lectures kabahin sa good governance, leadership, policy making ug bisan paman sa hisgutanang legal. Usa sab kini ka paagi sa pagbansay alang sa pagpalambo sa kahibalo ug kahanas sa paghimo ug pagpatuman og epektibong local nga balaod. Sa ikaduhang series sa CLLEP sa PCL nag-una sa hisgutanan ang pagpausbaw sa suporta alang sa kalidad nga edukasyon pinaagi sa mga subsidiya, materyales ug equipment sulod sa mga tulunghaan, school buildings, scholarship programs ug uban pa. Nahimo usab nga agrisibo ang hisgutanan pag abot sa maayong panglawas tungod usa sa tutukan sa mga konsehal ang pagmugna og mga balaod nga dunay kakapas ug lig-on nga makasuporta sa pagbaton og daghang doctor ug kompletong pasilidad nga hospital pinaagi sa pakigtambayayong sa local government unit ngadto sa mga private hospitals ug mga medical schools apil na ang pagpalig-on sa sestima sa philhealth packages ug health care system. Tungod niini nga mga katuyuan nahisgutan ang pagdumala sa revolutionize government budgeting, budget reforms, orientation sa CLLEP subay ug pinaagi sa mga adbokasiya sa Department of the Interior and Local Government- Bureau of Local Government Supervision ug Philippine Councilors League.