Gipahigayon ang 6th Liga Meeting sa SP Session Hall ning syudad miaging semana. Kini sa pagpanguna ni Liga President Gemma Tabada kauban ang mga punong barangay sa syudad sa Butuan. Usa-usang gituki ug gidiskusyunan ang mga nag-unang concern sa mga Kapitan ilabina ang kalabot sa solid waste management system, pag adopt sa cluster barangay o centralized composting facility nga nahimutang sa Barangay Aupagan, pagpahigayon sa Barangay Level Evaluation nga pangunahan sa City Planning Development Department, uniformity rate sa garbage collection, ug ang salmutang Liga National Congress sa umaabot bulan sa Agosto. Kini usa lamang sa binulan nga panagtigum sa mga punong barangay sa syudad nga suportado ni Mayor Ronnie Vicente Lagnada. Kini aron personal madungog ang tagsa-tagsang issues ug concern nga angayang hatagag kasulbaran ug katin awan alang sa kaayuhan sa mga residente sa matag barangay.